بوغلاب: “الرئيس” قاعد يبيح في “دم التوانسة” على قارعة الطريق … ويريد “توريط” الجيش

تونس ــ الرأي الجديد 

إنتقد “الكرونيكور”، محمد بوغلاب، تصريحات رئيس الجمهورية، قيس سعيّد، التي تحدّث فيها عن النسب “الضعيفة جدا”، للدور الأول والثاني من الإنتخابات التشريعية، قائلا: “أنا مانيش من عمقك الشعبي وما مشيتش صوتت”.

وأضاف محمد بوغلاب، موجّها كلامه لقيس سعيّد: “وين ترى فيها أحضان الأجنبي … انتي حطيت الشعب الكل s17 … قوللنا شكون ارتمى في أحضان الأجنبي سميلنا … كلام هكاكة تقول فيه … باش تعمللنا كيما القضاة اللي لفقتلهم شكارة تهم اللي زنات واللي سرق واللي ارتشى … وفي الأخير طلع ما فما شيء والقضاء حكم ببراءة القاضية اللي اتهمتها بالزنا”.

وتابع: “قيس سعيّد يحلّ في دمنا على قارعة الطريق … قاعد يقول راهو هذوما خونة وفساد تنجموا تقتلوهم … شني معناها خيانة عظمى ؟ ناوي يقصلنا رقابينا السيد … الرئيس قاعد يبيح في دم التوانسة على قارعة الطريق وهو قاعد ولا على بالو … تحكيلنا على إحترام المواعيد شعملنا بيها ؟ هاك الاخر في التصنيف عند أمك صنافة” …

وأردف: “ويني النتيجة ياسيد … السياسي يحاسب بالنتائج … احترمت المواعيد والا جيت مخر والا قبل الوقت آش حققت ؟ كان الهم والغمّ … لا سكر لا زيت لا حليب لا قهوة لا زبدة لا ايسونس لا حرية … شنوة تحب ؟؟؟ ماك انتي فصلت وخيطت ولبّست اي ومبعد … احنا ارتمينا في أحضان الخارج وجماعتك ارتماو في أحضان شكون قوللنا”؟؟؟

وختم: “قيس سعيّد يريد توريط الجيش … من وقتاش نعينوا العسكر في المناصب الوزارية” ؟