تونس ــ الرأي الجديد
كشفت الاعلامية التونسية فرح بن رجب، أنها تعرضت للتنمر سابقا في لبنان، قائلة: “أنا كنت عايشة في لبنان و في لبنان المظهر و الشكل و الجسم حاجة مهمة برشا..”.
و تابعت “مرة عندي برنامج باش نقدمو بعد غيبة شوية، بالطبع رجعت نخدم اول الملاحظات فرح نصحانة ( زايد وزنك) فرح شو هيدا وانا نورمال شايخة بروحي كي لقيت روحي في التلفزة، والبرنامج أسبوعي قلت يلزمني حل فمة فنان لبناني عربي قاعد معايا قالي فرح تحب حل خزر لصديقتو قالها نقولولها على الدواء هذاكة قالتلو يالا قالها موش خطر قالتلو OK..” حسب ماصرحت به في قناة التاسعة.
و أضافت “شريت دواء واستعملتو مانرقدش في الليل ديما ساهرة ضعفت 20 كيلو في جمعتين والا ثلاثة.. بديت اول حلقة نوع، وآخر حلقة نوع آخر “..
كما أشارت فرح بن رجب أن التنمر أثر على حياتها كثيرا، خاصة على الصعيد النفسي: “كنت نمشي في الشارع نشد في الحيط باش مانطيحش.. كي نمشي للحانوت ندوخ يهزوني للاوتيل اللي أنا مقيمة فيه وقت التصوير، لين طحت طيحة كبيرة تكسر فيها خشمي مانحكيلكمش على عملية ترميم دامت سوايع وقتها قلت بلحق شنوة هذا”.
