ماهر العباسي: ماذا جهّزت تونس لفرض العمل بجواز التلقيح ؟

تونس ــ الرأي الجديد 

تساءل الدكتور ماهر العباسي، عن مدى إستعداد السلطات في تونس لفرض التعامل بجواز التلقيح.
وأوضح ماهر العباسي، في تدوينة له على موقع التواصل الإجتماعي “فيسبوك”، أن تونس لم تقم بتخزين أو طلب عدد كافي من تلاقيح “كورونا”، إذا ما تمت الدعوة إلى التعزيز بجرعة ثالثة أو ظهور متحور جديد لفيروس “كورونا”، لا تنفع معه التلاقيح المعروفة.

وفيما يلي نصّ التدوينة: 

عندي سؤال مباشر لقيس سعيّد يعطيني هو وإلا أي واحد من جماعتو جواب مقنع نعدي شهر كامل ما ننقدو حتى مرّة … هاو التحدّي قال بورڤيبة

أيا سيدي يا بن سيدي فرضت على الشعب التلقيح والي موش ملقّح يروّح باهي برافو عليك علما وأني انا مثلا اقترحت الشيء هذا وقت انت كنت تقول نحن لا نخاف الكورونا ولا نلقح ( باش ما يزايد عليا حد ) ، لا علينا ، ولكن انا وقت اقترحت الشيء هذا اقترحت معاه آلية تسمحلنا نلمو الفلوس ونكمنديو التلاقيح بفلوسنا وبالمسبق ….. إنت تجبر في الناس باش تلقح وقررت باش تطرّد الناس مالخدمة كان موش ملقحين على شنوة معمل ؟؟ على الاعانات والتلاقيح الي جاونا هبة … باهي … وهوني نوصلو للسؤال : فرضنا يجي متحوّر جديد يردّ التلقيح القديم غير نافع ويلزم نعملولو تلقيح جديد في جانفي مثلا …. شنوة تعمل إنت ؟ فرضنا يطلع التلقيح القديم يلزمو يتعاود كل عام والا ستة شهور ويلزمك تدبر عشرة ملاين تلقيح ؟ شنوة تعمل ؟ عندك فلوس باش تشري تلقيح ؟ لا … عندك علاقات دولية باش تشري تلقيح مالأوائل ؟ لا … عندك علاقات دولية باش نتسولو التلاقيح كيما المرة الفايتة ؟؟ منين يا حسرة …. إي شنوة نعملو وقتها ؟؟؟ خممتو فيها الفرضية ؟؟