نائب سابق بالبرلمان يخرج عن صمته: لهذه الأسباب أدخل وديع الجريء السجن

تونس ــ الرأي الجديد (فيسبوكيات)

دافع النائب السابق بالبرلمان المنحلّ، زياد الهاشمي، عن رئيس الجامعة التونسية لكرة القدم، وديع الجريء، الذي أودع السجن مؤخرا بشبهة الفساد المالي..

واعتبر الهاشمي، أنّ وديع الجريء “يدفع فاتورتين: واحدة مع المجتمع، وثانية مع قيس سعيد”، وفق تعبيره..

وأكد أنّ قوة الجريء، هي كونه “يفكر خارج الصندوق، إنسان غير طبيعي في جمع التمويلات للبرامج المقترحة، وهذا يعني أنّه لا يتلقى من الدولة التونسية أية تمويلات.. بالعكس يزيدها.. وهذا وحده كاف لكي يجعله عدو أناس تعودوا باللقمة الجاهزة..

وجاء في هذه التدوينة ما يلي:

“حبيت نقول كليمة في موضوع وديع الجريء:

وديع الجريء يخلص في زوز فاتورات وحدة مع المجتمع و أخرى مع قيس سعيد.

تتفق أو تختلف ، تحب أو تكره.. إذا عندك ربع عقل تعرف إن وديع الجريء إنسان عبقري في الإدارة بدليل تسلم جامعة كرة القدم مديونة في مليارات و ميزانية تضحك 6 مليارات، اليوم الجامعة ميزانيتها فاتت 115 مليار وزيد خلصت ديونها وأكثر طرف تفرهد مع الجريء هي الجمعيات الصغرى (و أنا شهدت هذا بعيني)..

وقوة الجريء أن يفكر خارج الصندوق، إنسان غير طبيعي في جمع التمويلات للبرامج المقترحة يعني ما ياخذ شيء من الدولة بالعكس يزيدها.. وهذا وحدو يخليه عدو ناس ستانست بالخبزة الساهلة، ولا يمكن أن تفكر خارج النمط الطبيعي ..

توى نجاو للفاتورة متع قيس سعيد..

عركة وديع وقيس بدات مع تولي قيس الحكم و طلب من وديع عن طريق نادية عكاشة ووزير الشباب تغيير اسم كأس تونس ليعود كما كان وقت بن علي كأس رئيس الجمهورية وإذا الاسم ما يتغيرش فإن قيس لن يسلم الكأس لأي فريق (هذا ما تم وقيس قاطع كل الدورات)..

والكل يعرف قيس لا ينسى من يتحداه …

زيد عليهم الحرب إللي أعلنتها عليه منظمة أنا يقظ ( بالنسبة ليا ماعندها حتى مصداقيه)،

بمناسبة الحديث على أنا يقظ تتذكروا قيس سعيد رفض المصادقة على التعديل الوزاري في حكومة المشيشي بتعلة فما أربعة وزراء فاسدين بعد تقرير من أنا يقظ.. لليوم لا قيس ولا أنا يقظ ماقالوش للشعب أسماء وملفات الوزراء ..

هل هذا يعني إن وديع ماغلطش !!!!

يستحيل … إلي يخدم يغلط

ربي يفرج على وديع الجريء وعلى كل مظلوم

بالنسبة للشامتين ماتخافوش بحول الله.. إلي تمنيتو لغيرك ربي باش يبتليك به”.. .