بعد ظهوره في “الفلوجة”: باحث في علم الإجتماع يوجّه رسالة لنضال السعدي
تونس ــ الرأي الجديد
علّق الباحث في علم الإجتماع، معاذ بن نصير، على ظهور الممثل نضال السعدي، في مسلسل “الفلوجة”، الذي يبثّ على قناة “الحوار التونسي”.
وإعتبر معاذ بن نصير، أن الجمهور التونسي “قلوقي”، وأنه لا يحبّذ رؤية نفس الوجه دائما، قائلا: “كي قلنا سابقا راهو نضال السعدي أُستهلك وأُستنزف … قلتو كيفاه ! شخصيا نشوف إنو معادش عندو ما يُضيف عالأقل في الفترة هاذي…
إنك تكون حاضر ولمدة سبع سنوات متتالية وفي نفس الدور وفي نفس القالب حاجة ما تخدمكش بقدر ماهي تضرّك…
تمنيت لو كان “قناتك” ما لحقتكش لحوق في مسلسل الفلّوجة وخلات الدور لأي ممثل آخر ينجم يفيد العمل أكثر منّك…
شخصيا نعتبر وجوده في المسلسل باش يضر العمل أولا وباش يضره هو ثانيا … ما فيها باس كي ترتّح وجهك شويّة … الجمهور التونسي قلوقي برشا … والبعض من الجمهور قلق وفد من “أعمالك الدرامية”، وفق تقديره.
وتابع: “أكبر الممثلين العالميين ياخذو فترة يرتاحو شوية ويبعدو ويقعدو مع رواحهم ويعملو مراجعات لرواحهم ولأعمالهم ويدرسو خطواتهم الجاية … زر غبًا تزدد حبًّا”، حسب تدوينة نشرها على حسابه بـ “الفيسبوك”.
