مداخلة “نارية” لهيثم المكي حول سعيّد وأنصاره الذين وصفهم بـ “الجرذان” … و ما قصّة “سيرك” هيئة بلعيد ؟
تونس ــ الرأي الجديد
هاجم “الكرونيكور”، هيثم المكي، رئيس الجمهورية، قيس سعيّد، وأنصاره الذي وصفهم بـ “الجرذان”.
وتحدّث هيثم المكي، في مداخلته على “موزاييك”، عن القاضية التي تمّ عزلها، ومن ثمّ تشويه سمعتها من طرف أنصار قيس سعيّد، الذين سرّبوا وثيقة إتّهموها من خلالها بـ “الزنا”.
وقال المكي: “فما قاضية وقع عزلها معنية بقضية الزنا … وهي تقول تم عزلها لأنها رفضت تدخل في قضية تابعة شقيقة زوجة الرئيس … وأكا المدونين الشرفاء الصادقين متاع سيادته (قيس سعيّد) يعملو هكا يخرجولها وثيقة نتيجة متاع فحص طبي تحكي على خصوصياتها الجنسية” …
وتابع: “الله على أخلاق أنصارك يازعيم … تبارك الله ماشاء الله … ما نحبش نعطي لا أسامي لا تفاصيل باش نحاول نحترم اللي خلاوه الجرذان الجدد من خصوصيات الناس …. اما الحمد لله رتحنا من النهضة ومن الذباب الأزرق اللي كان يهتك في أعراض الناس … هانا اليوم وصلنا لمستوى غير مسبوق في التاريخ من القذارة والسفالة” …
وأضاف: “كان بودي نحكيلكم على السيرك اللي منظمو الصادق بلعيد في دار الضيافة … وإلا على عودة الميليشيات اللي تبلبز الإجتماعات … لجان حماية 25 جويلية … أما لا لا … خليني نعمل وقفة للتاريخ باش نشهدكم عليهم … باش تدافعو على سيدكم وتطبلولوا تقوموا تطعنوا المرا في شرفها قدام بلاد كاملة ؟؟؟ أي نوع من الجرذان أنتم … يازعيم وإلا رئيس وإلا نبي مرسل من السماوات … ياعمر ابن الخطاب عصرك … عاجبك الشيء هذا ؟؟؟ منين جاتهم الوثيقة جماعتك ؟ هذه هي المرحلة التاريخية الجديدة اللي وعدتنا بيها ؟؟؟ وهاذم باش تحاسبهم والا لا ؟؟؟ والا هاذم متاعك ما يتمسوش ؟؟؟ ملا اصلاحات عليك سيدي الرئيس … نحييك … حقيقة ريحة المجاري الخارجة من جماعتك أنتن وأقوى بكثير من ما سبق، على حدّ تعبيره.
