العياري يطالب بتنقيح الفصل المتعلّق بمنح جوازات سفر للنواب

تونس ــ الرأي الجديد

قال النائب عن حركة “أمل وعمل” ياسين العياري اليوم السبت 22 فيفري 2020 ، أنه سيطالب بتنقيح الفصل المتعلّق بمنح جوازات سفر للنواب، ليصبح الجواز يقدّم فقط لمن يطلبه كتابيا وتنشر القائمة على موقع المجلس.

وفيما يلي نصّ تدوينة ياسين العياري:

“سأطالب بالنسبة للجواز الديبلوماسي للنواب، بتنقيح الفصل المقترح، ليصبح الجواز يقدم فقط لمن يطلبه كتابيا و تنشر القائمة على موقع المجلس، لأنه ثمة شكون من الزملاء على ما يبدو، يحب ياكل مع الذيب و يبكي مع الراعي :)، يحب يزايد على زملائه أما ياخذ الجواز!
أتفهم كل من يراه زايد خاصة من النواب عن الداخل، و صرح بذلك و رايه محترم لكن بش “ترصيله” ياخذه، فلنعفه من هذا.
ثمة شكون من نواب الخارج المشكل غير مطروح عنده، لأنه يملك جنسية ثانية و لا يستحق فيزا للقيام بمهامه، و هذا نأكد حقه و لا مشكل فيه، ما المانع من نشر الجنسيات الثانية للنواب؟ من حق المواطن يعرف حتى يحلل أحسن المواقف.
أعارض المشروع المقدم، لا أعارض الفكرة خاصة للنواب عن الخارج، في تقديري المقترح ينجم يكون أحسن، و ينحي مرة وحدة – أحنا صرفنا صرفنا- الجواز على أعضاء الحكومة و عائلاتهم، على عائلات السفراء و القناصل! ما نتصورش ولد قنصل و بنت سفير يلزمها جواز أزرق لتؤدي مهامها.
نقطة أخيرة في نفس الموضوع، ثمة شكون الدائرة متاعه تونس 1، لا يستحق في خدمته التنقل للخارج، ديما يسب في فرانسا الي تسرقلنا في ثرواتنا أما يحب جواز ديبلوماسي باش يمشيلها، يستغل الفرصة و كل فرصة، باش يسب قيس سعيد.
بعد التثبت، لم يرفض الرئيس راهو، ما تغلطش الناس عيب الكذب يا زميل، مقترح القانون المقدم هو بطلب من الرئيس الي حب يكون الأمر منظم بقانون لا بأمر”.